බ්‍රිතාන්‍යයේ හිටපු රජ කුමාරයෙකු වන ඇන්ඩෲ කාන්තාවක් අසල දණ ගහගෙන ඇයි

බ්‍රිතාන්‍යයේ හිටපු රජ කුමාරයෙකු වන ඇන්ඩෲ කාන්තාවක් අසල දණ ගසා සිටින අයුරු දැක්වෙන ඡායාරූප ඇමෙරිකානු අධිකරණ දෙපාර්තමේන්තුව විසින් නිකුත් කරන ලද එප්ස්ටීන් ලිපිගොනුවල ඇතුළත් වේ.
ඡායාරූප දෙකක, හඳුනාගත නොහැකි සහ සම්පූර්ණයෙන් ම ඇඳ පැළඳ සිටි කාන්තාවකගේ උදරය ස්පර්ශ කරන අයුරු දක්නට ලැබේ. 

තවත් රූපයක ඔහු කෙලින් ම කැමරාව දෙස බලා සිටින ආකාරය දැක්වේ. 

ඡායාරූප සම්බන්ධයෙන් කිසිදු විස්තරයක් සපයා නොමැති අතර ඒවා කවදා, කොහේදී ගන්නා ලද්දේ ද යන්න පැහැදිලි නැත.

පසුගිය සිකුරාදා නිකුත් කරන ලද ඊමේල් පණිවුඩ කිහිපයකින් පෙනී යන්නේ, මියගිය ලිංගික අපරාධකරු ජෙෆ්රි එප්ස්ටීන් 26 හැවිරිදි රුසියානු කාන්තාවක සමග රාත්‍රී භෝජන සංග්‍රහයක් සඳහා මවුන්ට්බැටන්-වින්ඩ්සර්ට ආරාධනා කළ බව ය. 

එප්ස්ටීන් බාල වයස්කරුවෙකු සම්බන්ධයෙන් වූ චෝදනාවකට සිය වරද පිළිගැනීමෙන් වසර දෙකකට පසුව, 2010 අගෝස්තු මාසයේදී එම පණිවුඩ හුවමාරු වී තිබේ.